السلام عليكم ورحمة الله وبركاته
ميمد العراقي ايدة مذلول - يظل شامخ محد يكدر يجرحة
مو ناصي الجبل بركان بيه يفور - لو مو تفرقة ماتوصل لسفحة
تذبحني واذبحك وانا اخوك شلون - لعد شوكت احساس المحتل نجرحة
جبنة الوطن جثة لغرفة التشريح - كطعناه وصل بحجة نشرحة
وتدري انت الوطن طاح على حد السيف - يوكف عالجرح والتفرقة تطيحة
خل نلجم جرحنة ونلوي خشم الموت - خل ماعون دمهم نكفر بملحة
مثل مافرقونة وذبحوا النهرين - وبدجلة انذبحوا اطفالنة وفلحة
الهي بجاه دمعة ام طفل مذبوح - كون بدجلة نلكة التفرقة مطفحة
بس احنة وعلي شيعتنة سنة تصير - اذا حانت ساعة وهلهلت فرحة
ونرسم وطن بسمة على كبر الكاع - وتراب الكبر من الخارطة نمسحة
ونعوف الطائفية الطيحتنة سنين - بجفوف الصلح والتفرقة نطيحة
على صدر الوطن جرح الكرامة وشاح = وطن بأعظم جرح ربك ترة موشحة
الجرح هم بيه صبح بس مو صبح تاريخ - غصبا عالظلام تطلع شمس صبحة.
مع خالص تحياتي لكم
ولاتنسون الردود
